Eko Mendje - Udheto me Biciklete! (Shpella e Monumentave dhe Pylli i Gështenjave)

Aventurë e vërtetë në plot 70 km pedalim dhe ecje. Udhëtimi i rradhës ishte në fshatin Reç të Malcis së Madhe. Mbas grumbullimit me biçikleta me afro 80 persona, u nisëm për një rrugë të gjatë, kësaj here me një furgon si eskort mqs na priste nji pedalim me më shumë mund se herët tjera. Rruga deri në Reç ishte shum e lodhshme sepse kemi ecur 4 km rrugë malore, por edhe kur pushonim prej lodhjes ne përsëri luanim aty në mes të rrugës me top. Mbas disa ndalesave shkuam në fshatin piktoresk të Reçit. Aty ngjitem për pak minuta malin për të shkuar në shpellen e ashtuquajtur "të Pëllumbave", por ne kemi vendosur ta quajme "Shpella e Monumenteve", sepse aty stalaktitet dhe stalagmitet kishin formuar statuja të çuditshme, që mund te ngjanin si kafshë apo si njerz! Eksplorimi i asaj shpelle ishte emocionues sepse kishte përmasa gjigante! Mbas daljes nga shpella e Monumenteve shkuam në Pyllin e Gështenjave. Pemët e medha dhe shekullore na bënin strehë në pikniqet dhe në eksplorimin e vendit. Pas disa orëve çlodhjeje në at pyll të bukur u kthyem për shumë pak minuta në Koplik, sepse rruga e kthimit i takonte me dishezë. Si gjithmonë nuk mungoi kafja e kthimit duke kujtuar momentet e bukura por dhe shumë të mundimshme! Në shtëpi u kthyem për terr, plot 12 orë udhëtim në një ditë fantastike me plot aventura! Ju lumtë të gjithëve për këtë udhëtim të gjatë me 70 km, ishit të mrekullueshëm, ia dolët në udhëtimin më të gjatë që kemi organizuar. Tani na presin udhëtime më të lehta! Duajeni Natyren miq, udhëtoni me biçikletë! - EKO Mendje