Hondartzak eta labarrak: Algorta-Kobaron

Portugaleteko desnibela gainditu ondoren, bidegorria da dena Areako hondartzaraino. Hondartzan hango paisaiaz gozatuta, beste ibilbide bat hartuz, Pobeña auzora helduko gara, meatzari eta arrantzaleen auzora, El Socorro ama birjinaren auzora. Bertan, oinez egin beharreko aldapa gogorra igo ondoren, labarren aldera iritsiko gara, eta itsasoko ikuspegi ederragaz lagundurik, Kobaronera helduko gara, Bizkaiko mendebaldeko mugara, kostako meatzaldera, gure gaurko helmugara. Lehorreko eta itsasoko paisaiak bidelagun izango ditugu ibilaldi osoan. Haizerik bada egun horretan, ez da komeni Pobeñatik Kobaronerako bidea hartzea, oso inguru irekia da eta. Eta norbait animatuz gero, Ontonera ere joan daieke Kobaronetik aurrera