03 Cambados - Vilagarcia

É unha etapa con dúas alternativas: facendo a volta á Illa de Arousa, ou continuando directos a Vilagarcía (etapa mais curta).

Entre os PQ.5,7 e o 7,4 temos a posibilidade de desviarnos do percorrido proposto para continuar entre eses puntos pola beiriña durante 1km sempre e cando fagamos coa marea baixa, xa que noutro caso este atallo estaría anegado pola marea. Consultar de mareas para ese día.

Ao pouco dese punto, tomamos a ponte da Illa (importante pasala por baixo ata coller a marxe dereita da estrada). Seguimos a ruta do Pai Sarmiento (Ruta 5 e Ruta 6) na súa meirande parte. O Parque Natural do Carreirón non e apto para bicicletas pola cantidade de area nos camiños, recomendamos seguir a pé ou continuar pedaleando de volta á ponte.

Logo de cruzar de novo a ponte, enseguida se chega a Vilanova de Arousa a partir de onde debemos de circular con precaución pola estrada e especialmente nas rotondas dos puntos quilométricos 37,6 e 38,6.

Etapa carente de fontes.